0%

Bingo跟泰臣學戲 被玩到暈佗佗

Posted By: skyteam On:


跳唱組合Bingo的兩位成員Carman及Odilia,近日趁有空檔即增值自己,一起上了泰臣的演技班,齊齊分享學戲的趣事。Carman表示上堂最開心是玩遊戲,當中可以學到不同的戲劇技巧,她亦難忘第一堂正值她生日:「大家第一次見面,唔多唔少都會尷尬,但一玩遊戲大家都玩得好投入,完全係老朋友嘅感覺,過咗半堂我已經笑到喊,停唔到。」她謂最後在泰臣的帶領下,大家一起為她唱生日歌:「雖然大家只係認識咗兩個鐘,但仲玩得癲過認識好耐嘅朋友,所以今年生日好特別。」

而Odilia則謂最喜歡短劇場練習,難忘有次跟對手把角色都練習好,豈料輪到演出時,說了不夠3句對白,泰臣竟突然把兩人叫停,叫她們立即把角色互調從頭再來過,她表示:「我當時個腦一片空白,心諗泰臣個樣好惡!但跟住落嚟嘅演出感覺好舒服好自在。」她笑言事後看回演出練習的相,都覺得自己飾演的角色很討厭。她亦讚泰臣身手敏捷:「有次泰臣叫我做示範,要捉住佢,我心諗一定難唔到我,點知當我以為就捉到佢時,他會突然向另一個方向跑,結果畀佢玩到暈佗佗。」


  • 中文 (繁)
  • 中文 (简)