0%

BOP 天堂鳥推出新歌《冒險島》

Posted By: skyteam On:


剛推出新歌《冒險島》BOP天堂鳥早前於屯門一個籃球場及荃灣一個工作室拍攝MV,面對宜家既疫情問題佢地都表示有些少擔心,希望新歌可以帶出正能量比大家,
係工作及家庭上每日會面對唔同既挑戰,就好似冒險一樣,但只要保持初心就可以關關難過關關過。

今次兩位隊員都帶傷上陣,繼之前Lincoln許俊豪因練習後空翻發生意外導致右手前臂骨折,而好兄弟Gordon葉灝基就因為太CHOK而右手手腕輕微骨折,
他尷尬表示:「其實整個過程好傻,我有一天係屋企換衫之後照鏡擺POSE,可能動作比較大,一個唔留神手就撞到櫃的角,去左睇醫生有輕微骨折,宜家要等慢慢癒合。
今次新歌我既部分係關於家庭,從來係訪問既時候提到屋企人既時候,我都會比較感性,因為佢地對的支持真係無限量同無條件既付出,所以我會更加更多既努力去做好自己報答屋企人。」

Lincoln許俊豪:「Gordon生日時我斷手,到我生日了就Gordon斷手。雖然今次新歌是輕快歌曲可以唔洗跳舞,但籃球場個段都有一啲運動場面。
大家都很關心我同Gordon好擔心我們兩個傷上加傷。係新MV入面我就做一個打工仔,其實入行之前都有做過其他工作,都幾明白係工作上會經常遇到挫折、不被信任等問題,」

而唯一沒傷的Tyrese歐喬鋒表示:「還好這次MV不用跳舞,可以讓他們好好療傷,這次新歌是比較輕快,以輕鬆的音樂帶出重要信息同能量,
我們三人都好喜歡這次的作品,希望推出時大家都會喜歡及接收到歌曲的正能量啦。」

今次MV搵來一個好特別既嘉賓演出,因為劇情需要一個小朋友飾演BOP既童年,但礙於疫情問題,一來比較難搵到小朋友去飾演,二來導演亦揀唔啱來面試既小朋友,
最後導演幸運地搵來公司老闆仔仔面試,一拍即合,對於第一次面對鏡頭既鋒仔完全無怯場,自然地做到導演既要求。


Leave a Reply

Your email address will not be published. Required fields are marked *


  • 中文 (繁)
  • 中文 (简)