日前， Carman關嘉敏同Fans舉行了一場溫馨歡樂的生日慶祝活動，當日，Carman戴上皇冠，以公主造型現身，全場Fans即刻瘋狂！Carman一開始就多謝Fans，唔理佢係「光B女」、「橫菲」定係「痰輝智」，都一直咁撐佢，Carman講講下都差D喊。之後更坐埋入Fans堆，一齊玩遊戲、selfie、切蛋糕，零架子又貼地，現場氣氛勁Warm！
好姊妹朱斐斐今次同公司同事夾計，事先話「黎唔到」，點知突然現身兼拎起咪做主持，成個Birthday Party即時笑聲滿瀉！斐斐話：「同Carman唔止同公司，仲一齊即日快閃過高雄㗎！今次點可以唔畀個Surprise佢吖！」搞到Carman又喊又笑，場面感動。
至於師弟鄺星宇非常細心，專登搜羅Carman最愛嘅即食芝士腸仔，Carman一見即時雙眼發光，大叫：「都係Alex最知我心意！呢排出Trip唔驚冇嘢食啦！」仲即刻拎住盒腸仔瘋狂selfie，可愛到暈！
Carman最後逐個同Fans影相、傾計，認真寵粉！佢再三感謝大家支持，應承大家會繼續努力，帶多啲好作品同大家見面！
