藝人關嘉敏性格男仔頭，但近期突然迷上肚皮舞，經個半月學習後近日於深圳出賽。面對不少資深舞者，她竟「盲拳打死老師傅」，於比賽內連奪兩項冠軍，教她驚喜不已。談到學習肚皮舞，她笑謂：「其實一啲都唔容易，我試過同老師排舞時，對方甫士超性感兼有女人味，而我透過全身鏡發現自己動作似健美小姐咁，一時心急就喊咗出嚟！」
關嘉敏續說經過今次比賽後，發現總算對肚皮舞有天分，決定再下一城﹕「嚟緊8月會有個全國性嘅比賽，咁啱比賽前後係我生日，所以我決定到時參賽，當送一份禮物畀自己。」出名慳家的她更大灑金錢於肚皮舞戰衣上：「原來啲跳舞衫好貴㗎，今次我嗰身白色造型即使係內地訂製，都用咗幾千蚊，不過着出嚟咁靚，都算物有所值啦。」
原文網址：繽FUN星網 https://hk.on.cc/hk/bkn/cnt/entertainment/20260420/bkn-20260420231152806-0420_00862_001.html