关嘉敏今日现身由《COURT!》导演吴家伟执导新片《欲望寄生》的开镜拜神仪式，她自言首次正式拍电影，有幸与影后袁咏仪和余香凝、视后李佳芯，以及两大前辈米雪和狄龙合作，她笑言：“成就解锁，见到佢哋可以偷下师。”
戏中她饰演警察，是李佳芯下属，“我都要平衡拍电视同电影嘅感觉，睇下点拿捏，佢哋系好好嘅示范。”不过今次没有感情戏。谈到她曾自爆拍亲热戏被加戏，外界猜测是邓英敏，她澄清：“绝对唔系，大家唔好乱估。佢系非常好嘅前辈，好细心同埋几nice嘅人。”
女仔要主动出声
她直言事件留下阴影，“唔单止系演员，女仔遇到类似嘅情况，觉得唔舒服嘅话，真系应该要开声讲。嗰次嘅经历，令我觉得需要即时开声，俾人哋知我觉得唔舒服，咁就唔会令自己唔开心咗一段时间。”
她表示当年初入行不敢发声：“觉得自己系新人，加上有前辈喺度，所以唔够胆讲咁多嘢。惊阻住人哋收工，惊要大家劳师动众，同埋唔知点讲。”
间唔中遇露体狂
除了拍戏，关嘉敏自爆读书年代，搭港铁等公共交通工具时，遇过不少恐怖事，“搭地铁时，对面个男人对我做一啲猥琐行为，嗰吓我吓亲。我间唔中都会遇到露体狂，仲有摸手摸脚嘅人，好彩隔篱都有人同我一齐帮我出声，但要自己一个人承受嘅话真系太heavy，所以真系要讲出嚟。”
原文网址: https://www.am730.com.hk/article/1037431
