【Viu】内地影帝朱一龙、影后卫诗雅、李施嬅、Ben哥袁富华同导演韩延今晚出席新片《空枪》中秋见面会，朱一龙除咗大晒广东话同派菠萝油之外，仲清唱咗《分分钟需要你》冧爆诗雅，适逢诗雅老公周祉安有捧场，影后即自爆试过同朋友倾电话时狂赞朱一龙而畀老公“投诉”，认真搞笑！
受访时，诗雅继续对朱一龙赞不绝口，最欣赏对方苦练广东话至凌晨4点，唔止可以用广东话拍戏，煞科后亦Keep住用广东话同自己交谈，超级敬业！而Ben哥就分享教朱一龙广东话嘅趣事，仲话因为喺戏中要虐打男神，好惊收刀片咁话！
至于李施嬅同另一内地男神檀健次较多对手戏，最难忘系大家都要素颜上阵，自己嘅眼睛因为甲状腺问题而动过手术，素颜就会令眼形缺憾表露无遗，但为咗首次成为“三级女星”只好舍命陪君子啦！想睇龙哥点样冧Fans？影后诗雅有几Cute？记得睇足本访问喇！
原文网址：https://news.now.com/home/entertainment/player?newsId=663610