日前， Carman关嘉敏同Fans举行了一场温馨欢乐的生日庆祝活动，当日，Carman戴上皇冠，以公主造型现身，全场Fans即刻疯狂！Carman一开始就多谢Fans，唔理佢系“光B女”、“横菲”定系“痰辉智”，都一直咁撑佢，Carman讲讲下都差D喊。之后更坐埋入Fans堆，一齐玩游戏、selfie、切蛋糕，零架子又贴地，现场气氛劲Warm！
好姐妹朱斐斐今次同公司同事夹计，事先话“黎唔到”，点知突然现身兼拎起咪做主持，成个Birthday Party即时笑声满泻！斐斐话：“同Carman唔止同公司，仲一齐即日快闪过高雄㗎！今次点可以唔畀个Surprise佢吖！”搞到Carman又喊又笑，场面感动。
至于师弟邝星宇非常细心，专登搜罗Carman最爱嘅即食芝士肠仔，Carman一见即时双眼发光，大叫：“都系Alex最知我心意！呢排出Trip唔惊冇嘢食啦！”仲即刻拎住盒肠仔疯狂selfie，可爱到晕！
Carman最后逐个同Fans影相、倾计，认真宠粉！佢再三感谢大家支持，应承大家会继续努力，带多啲好作品同大家见面！
